Plantun de Prouvènço

Pèr coumpara dos planto d'encò nostre

Rumex bucephalophorus & Ranunculus aduncus

Rumex bucephalophorus

Polygonaceae

Noms en français : Oseille tête-de-boeuf, Rumex tête-de-boeuf.

Descripcioun :
Vaqui uno eigreto de l'an de la pichoto meno que trachis dins li terraire safrous. L'enflourajado èi longarudo emé de fueio à la baso. Li flour soun groupado en verticillo de 2 à 4 flour, li pecou soun vira devers lou bas. La subsp. de prouvènço ié dison gallicus.

Usanço :
Dèu èstre manjadisso coume lis àutris eigreto, mai avèn pas d'entresigne segur pèr aquelo planto.

Port : Erbo
Taio : 5 à 30 (50) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Rumex
Famiho : Polygonaceae

Ordre : Caryophyllales

Coulour de la flour : Roujo
Petalo : 3
Ø (o loungour) flour : 0,5 mm
Flourido : Printèms - Estiéu

Sòu : Si
Autour basso e auto : 0 à 800 m
Aparado : Noun
Abriéu à setèmbre

Liò : Tepiero emé planto de l'an - Terraire safrous
Estànci : Termoumediterran à Mesoumediterran
Couroulougi : Mediterrano-Macarò
Ref. sc. : Rumex bucephalophorus L., 1753

Ranouncle(-croucu)

Ranunculus aduncus

Ranunculaceae

Noms en français : Renoncule à carpelles crochus, Renoncule crochue.

Descripcioun :
Lou ranouncle-croucu trachis dins li bos clar de colo e de mountagno sus cauquié. Es uno planto coumuno dins soun relarg emai siegue pas toujour couneigudo. Se recounèis à si flour pelouso que porton d'akène forço croucu e à si pecou que soun pas boutis.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.